काठमाडौं, साउन २७ । सरकारले लामो दूरीका यातायात, हवाई उडान र शैक्षिक संस्था भदौ मसान्तसम्म नखोल्ने भएको छ।
यसअघि १ भदौबाट खोल्ने भनिएका यी क्षेत्र मसान्तसम्म नखोल्ने गरी सरकारको निर्णय आएको हो। सोमबारको मन्त्रिपरिषद् बैठकमा प्रधानमन्त्री केपी शर्मा ओलीले थप १५ दिन समय थपेर लामो दूरीका यातायात, हवाई उडान र शैक्षिक संस्था भदौ मसान्तसम्म बन्द गर्ने निर्णय गराएका हुन् ।
‘सिसिएमसीले सिफारिस गरेका सबै प्रस्तावलाई भदौ मसान्तसम्म पुर्याइएको छ,’ ती मन्त्रीले भने । बैठकले भदौ मसान्तसम्म सीमानाकाहरू बन्द गर्ने निर्णय लिएको छ । सरकारले दुई सयभन्दा बढी संक्रमित रहेका जिल्लालाई उच्च निगरानीमा राख्दै ती जिल्लामा अत्यावश्यक बाहेकका सवारीसाधनको आवतजावत पनि बन्द गर्ने निर्णय पनि गरेको छ । नयाँ पत्रिका दैनिकबाट
