काठमाण्डौं, साउन २८ । अमेरिकामा आउँदो नोभेम्बरका लागि तय गरिएको चुनावमा भारतीय मूलकी सांसद कमला ह्यारिसलाई उपराष्ट्रपतिको उम्मेदवार बनाइएको छ ।

वर्तमान राष्ट्रपति डोनाल्ड ट्रम्पको प्रतिस्पर्धीका रूपमा आगामी राष्ट्रपतिका लागि डेमेक्र्याटिक पार्टीबाट उम्मेदवार बनेका जो बाइडेनले हिन्दू धर्मावलम्बी ह्यारिसलाई आफ्ना तर्फबाट उपराष्ट्रपति पदमा उम्मेद्वार बनाउने भएका हुन् ।

ह्यारिस अमेरिकी राज्य क्यालिफोर्नियाकी सांसद हुन् । ह्यारिस, उपराष्ट्रपति पदको उम्मेद्वार बन्ने पहिलो अश्वेत तथा एसियाली (भारतीय) मूलकी अमेरिकी नागरिक हुनेछिन् । बीबीसी