काठमाण्डौं, साउन २८ । पाल्पामा जीप दुर्घटना हुदा २ जनाको मृत्यु भएको छ ।
जिल्लाको निस्दी गाउँपालिका–५ पटाकसरमा जीप दुर्घटना हुँदा २ जनाको मृत्यु भएको छ भने ६ जना घाइते भएका जिल्ला प्रहरी कार्यालय पाल्पाले जनाएको छ ।
मृत्यु हुनेमा निस्दी गाउँपालिका ५ गल्धास्थित गावुडाँडाका ६३ वर्षीय ठाकुर प्रसाद फाल र निस्दी गाउँपालिका ४ मित्यालस्थित काफलका ३ महिने शिशु सिमोन कालुङ रहेको जिल्ला प्रहरी कार्यालय पाल्पाका प्रहरी नायब उपरीक्षक मदन गिरीले बताए ।
घाइते हुनेमा निस्दी ४ का २२ वर्षीया विष्णुमाया सारु, सोही ठाउँकी २५ वर्षीया सृजना गाहा, निस्दी ५ कि ३८ वर्षीया सुमित्रा सारु, सोही ठाउँकी २० वर्षीया लक्ष्मी सारु, ३७ वर्षीया सुशिला सारु, ३६ वर्षीया सेरमति सारु रहेका छन् । उनीहरु सबैको जिल्लाको सदरमुकाम तानसेनस्थित लुम्बिनी मेडिकल कलेज प्रभासमा उपचार भइरहेका छ ।
निस्दी गाउँपालिका ५ पटाकसरस्थित भित्री कच्ची सडकखण्डको मोटेखर्कबाट पटाकसरतर्फ जाँदै गरेको लु १ ज २८८७ नम्बरको जीप अनियन्त्रित भई मंगलबार साँझ करिब साढे ५ बजे दुर्घटना भएको थियो। जीप सडकबाट अन्दाजी ७ सय मिटर तल खसेको प्रहरी नायब उपरीक्षक गिरीले बताए ।
