काठमाण्डौं, साउन २९ । एजेन्सी- भारतमा एकैदिन ६६ हजार बढी कोरोना संक्रमित भेटिएका छन् भने ९ सय बढीको मृत्यु भएको छ ।
पछिल्लो २४ घण्टामा ६६ हजार ९ सय ९९ नयाँ संक्रमित भेटिएका छन् भने ९ सय ४२ को कोरोनाका कारण ज्यान गएको भारतको केन्द्रीय स्वास्थ्य मन्त्रालयले जनाएको छ ।
मन्त्रालयले भारतमा कोरोना संक्रमितको कूल संख्या २३ लाख ९६ हजारभन्दा बढी भइसकेको बताएको छ । तीमध्ये ६ लाख ५३ हजार ६ सय २२ सक्रिय संक्रमित रहेका छन्, १६ लाख ९५ हजारभन्दा बढीले अस्पतालबाट छुट्टी पाइसकेका छन् र ४७ हजार ३३ व्यक्तिको संक्रमणका कारण मृत्यु भइसकेको छ ।
