काठमाण्डौं, साउन ३० । कालिकोटमा मध्यराति पहिरोले घर पुर्दा ६ जनाको ज्यान गयो ।
गएराती कालिकोटको महावै गाउँपालिका ३ मा पहिरोले घर पुर्दा एकै परिवारका ४ जना सहित ६ जनाको ज्यान गएको जिल्ला प्रहरी कार्यालय कोलिकोटले जनाएको छ ।
पहिरोमा परी रजबहादुर विष्टका दुई छोरा १३ वर्षीय पुष्प, ११ वर्षीय प्रवीण तथा दुई छोरी १८ वर्षीया सविना र १५ वर्षीया आशा विष्टको ज्यान गएको हो । यसैगरी सोही घरमा सुतेका छिमकी दिलबहादुर विष्टका दुई छोरी १९ वर्षीया शान्ति र १० वर्षीया रेखा विष्टको मृत्यु भएको प्रहरीले जनाएको छ ।
