प्यूठान, भाद्र २ । प्यूठानमा जंगली च्याउ खादा २ दाजुभाईको मृत्यु भएको छ ।
प्यूठानको नौवहिनि गाउँपालिका ६ ढाँडखोलाका १५ वर्षिय सुरेश घर्ति र निजको भाई १३ वर्षिय सुगम घर्तिको मृत्यु भएको जिल्ला प्रहरी कार्यालय प्यूठानले जनाएको छ । साउन ३१ गते साँझ च्याउ जंगलबाट टिपेर ल्याएको च्याउ खाएपछि पखाला लागेर विरामी भएका दाजुभाईको गएराती मृत्यु भएको हो । विरामी भएको खवर पाएपछि निजको घरमा पुगेको नौवहिनी गाउँपालिका स्वास्थ्य शाखा उपप्रमुख गोविन्द केसीले बताए ।
च्याउ खाएकै साँझबाट विरामी परेका रहेछन् बाँकी पोष्टमार्टमबाट थाहा हुने उनको भनाई छ । मृतकका परिवारका बुवा ३३ वर्षीय विष्णु घर्ति, ३० वर्षीय लिला घर्ति, १७ वर्षीय छोरा शसि घर्ति विरामी छन् । उनीहरुको जिल्ला अस्पताल विजुवारमा उपचार भैरहेको छ । साउन ३१ गते साँझ च्याउ जंगलबाट टिपेर ल्याएको च्याउ खाएपछि परिवारका सवै सदस्य विरामी परेका थिए ।
च्याउ खाएपछि उनीहरुलाई पखाला लागेको भएपनि बाहिर खवर नगरेको स्थानीयले बताएका छन् ।
