काठमाडौँ ,भाद्र ५ । कोरोना कारण यस वर्षको तीज सुनसान बनेको छ।
भाद्र शुक्ल तृतीयाका दिन मनाइने हरितालिका तीज देवादिदेव महादेवको पुजा आरधना गरि मनाईदैछ । तीजमा व्रत बसी शिव पार्वतीको पुजा,उपसना गरेमा सुख ,शान्ति र कल्याणको प्राप्ति हुने धार्मिक विश्वास रहेको छ । तर यसपालीको तीज भने पहिलेको वर्षको तुलनामा फरक भएको छ ।नेपालमा पछिल्लो समयमा दिनानुदिन काेराेना भाईरस संक्रमित बढ्दै गएकाले सरकार तथा स्थानीय सरकारले लकडाउन,सटडाउन तथा निषेधाज्ञा जारी गरेका कारण यसपालिकाे हरितालिका तीज सुनसान बनेकाे छ। आजका दिनमा मन्दिरमा जाने प्रचलन रहेपनि यसपाली मठमन्दिर समेतमा रोक लगाएपछि मठमन्दिर शुन्य छ ।
कोरोनाले निम्ताएको परिस्थितिले अहिले समूहमा हुने सम्पुर्ण कार्यक्रममा नेपाल सरकारले निषेध गरेको छ,साथै पाहुनालाई नबोलाई चाडपर्व आफ्नै परिवारका बीच मनाउन स्वास्थ्य मन्त्रालयले समेत आग्रह गरेको छ ।अहिले काेराेना संक्रमित व्यक्तिकाे संख्या तथा मर्ने मानिसकाे संख्या पनि बढ्दै गईरहेकाे छ । त्यसैले घरका ढाेका बन्द गरि घर परिवारका सदस्यहरुले काेराेनाकाे डरलाई पछ्याउँदै तिज पर्व मनाईरहेका छन। यसपालि न त कुनै मेला,महाेत्सव लागे न त कुनै जमघट नै।टाढा टाढाका दिदी बहिनी आफ्नो माईति घर आउन पाएनन् । यतिबेला काे समय धैर्य र आत्मविश्वासका साथ काेराेनालाई जित्ने ,समय समयमा साबुन पानिले हात धुने,मास्क तथा सेनिटाईजरकाे प्रयाेग गर्ने रहेकाे छ ।
यस वर्ष लामोसमयदेखि सार्वजनिक यातायात समेत अवरुद्ध रहेको हुँदा ,बजारमा चहलपहल समेत कम रहेको व्यापारीहरु बताउछन । तीजको लागि सामग्री आएपनि किन्ने ग्राहक नहुदा व्यापारी चिन्तित परेका छन । त्यस्तै गृहमन्त्रालयले सबै प्रकारमा पासमा रोक लगाएपछी टाढा माइती भएको महिला समेत माइत जान बाट बन्चित भएका छन ।
