बुटवल, भाद्र १६ । युथ क्यान अर्थात राष्ट्रि«य कार्यमा युवा समिति संस्थाले यस कोरोना महामारीको बेलामा अग्रपङतीमा सुरक्षाका लागि खटिएका सुरक्षाकर्मीको लागि स्वास्थ्य सुरक्षा सामाग्री हस्तान्तरण गरेको छ ।
मंगलवार संस्थाले ५ नं प्रदेश ट्राफिक प्रहरी कार्यलयका प्रहरी नायव उपरीक्षक डिल्ली नारायण पाण्डे लाई स्वास्थ्य सुरक्षाका लागि अति आवश्यक माक्स, सेनिटाईनर, पानी बोलत, फेस सिल्ड, साबुन, पञ्जा लगाएतका स्वास्थ्य सामग्री हस्तान्तरण गरेको संस्थाका अध्यक्ष रामु पाण्डेले जानकारी दिए । यस्तै बुटवलका विभिन्न स्थानमा रहेका प्रहरी विटमा समेत स्वास्थ्य सामाग्री हस्तान्तरण गरिएको उहाँको भनाई छ ।
जिम्मेवार युवा कार्यक्रम अन्तर्गत पछिल्लो समय सुरक्षाका लागि खटिएका सुरक्षाकर्मी लाई दिन प्रतिदिन बढ्दो क्रममा कोरोना संक्रमण देखिएकोले स्वास्थ्य सामग्री हस्तान्तरण गरिएको अध्यक्ष पाण्डेले वताउनुभयो ।
प्रदेश ट्राफिक प्रहरी कार्यलयका प्रहरी नायव उपरीक्षक पाण्डेले कार्यक्रमको प्रशंसा गर्दै संस्था र यस अभियानलाई साथ र सहयोग रहेका बताउदै संस्थालाई धन्यबाद दिए ।
