प्यूठान, भाद्र २१ । प्यूठानमा एक व्यक्ति मृत अवस्थामा फेला परेका छन् ।
जिल्लाको प्यूठान नगरपालिका वडा नं ८ माथिल्लो दम्तीमा सोही ठाउँका ५९ वर्षिय चाकुरे कुमाल आइतवार विहान करिब ७ बजे मृत अवस्थामा फेला परेको जिल्ला प्रहरी कार्यालय प्यूठानले जनाएको छ ।
कुमाल घरदेखि करिब चार सय मिटर टाढा मकैबारीमा मृत अवस्थामा फेला परेको जिल्ला प्रहरी कार्यालय प्यूठानका प्रहरी निरीक्षक विष्णु पौडेलले जानकारी दिए ।
मृतकको शवलाई प्रारम्भिक कार्यपछि पोष्टमार्टमका लागि प्यूठान अस्पताल विजुवार पठाईने प्रहरी निरीक्षक पौडेलले बताए ।
