काठमाण्डौं, भाद्र २२ । ताप्लेजुङमा खोलामा आएको बाढीले जलविद्युत गृह बगाउँदा २ जनाको मृत्यु भएको छ ।
गएराति ताप्लेजुङको सिरिजंघा गाउँपालिकास्थित नागदेवा खोलामा आएको बाढीले स्थानीय नागदेवा खोला लघु जलविद्युत गृह बगाउँदा दुई जनाको मृत्यु भएको जिल्ला प्रहरी कार्यालय ताप्लेजुङले जनाएको छ ।
मृत्यु हुनेमा सोहि गृहमा कार्यरत राजु थेवे र उनका साथी विष्णुराज थेवे रहेका छन् । उनीहरु दुवैको शव विद्युत्गृहमुनि बगरमा आज विहान भेटिएको हो । क्षतिको विवरण आउन बाँकी रहेको प्रहरीले जनाएको छ ।
