प्यूठान, भाद्र २५ । विश्व आत्महत्या रोकथामको अवसरमा सरुमारानी गाउँपालिकाको बाङ्गेशालका स्थानिय किशोर किशोरीलाई आत्महत्या रोकथाम सम्वन्धी प्रशिक्षण दिइएको छ ।
गाउँपालिकाको आयोजनामा स्वास्थ्य चौकी बाङ्गेशालमा किशोर, किशोरी तथा स्थानिय बासिन्दाहरुलाइ आत्महत्या रोकथाम सम्वन्धी प्रशिक्षण दिइएको गाउँपालिकाका स्वास्थ्य संयोजक टेकेन्द्र रायमाझीले जानकारी दिए। किशोर किशोरीहरुले बढी आत्महत्याको बाटो रोज्ने भएकोले उनिहरुलाई विशेष प्रशिक्षण दिइएको स्वास्थ्य संयोजक रायमाझीले बताए।
साथै उनिहरुलाई समुदायमा सचेतना फैलाउन आग्रह समेत गरिएको उनको भनाई छ । प्रशिक्षण कार्यक्रममा गाउँपालिका स्वास्थ्य संयोजक टेकेन्द्र रायमाझि, नर्सिङ इच्छा बुढा तथा बाङ्गेशाल स्वास्थ्य चौकी प्रमुख ताराबहादुर थापा र अनमि हेमकुमारी घर्ति लगायतको सहभागिता रहेको गाउँपालिकाले जनाएको छ ।
