काठमाडौं , आश्विन ४ । आइपिएल लिगको पहिलो खेलमा चेन्नई ५ विकेटले विजय हासिल गरेको छ ।
टस जितेर बलिङ्ग रोजेको चेन्नईलाई मुम्बई इन्डियनले निर्धारित २० ओभरमा ९ विकेटको क्षतिमा १६२ रन जोड्न सक्यो । १६३ रनको लक्ष्य पाएको चेन्नईले १९.२ ओभर खेल्दै जित दर्ता गरेको छ।
जितको लागि अम्बती रायडुले सर्वाधिक ७१ रनको पारी खेल्दै चेन्नईको जित सहज बनाएका हुन । त्यस्तै जितको लागि फाफले ५८ रनको पारी खेले । यसअघि मुम्बईका लागि क्वान्टन डि कक र रोहित शर्माले विस्फोटक शुरुआत गरेका थिए।
४ ओभरमा विना क्षति ४५ रन जोडेको मुम्बईले त्यसपछि लगातार अन्तरालमा विकेट गुमायो । सौरभ ,रोहित र डी कक बाहेक अन्यले राम्रो पर्दशन गर्न सकेनन । कोरोनाका कारण आईपीएल यूएईमा भइरहेको छ ।
