प्यूठान, असोज ४ । प्यूठानमा थप ६ जनामा कोरोना संक्रमण पुष्टि भएको छ ।
आइतवार प्रदेश जनस्वास्थ्य प्रयोगशाला रुपन्देहिमा गरिएको परिक्षणमा प्यूठान माण्डवी गाउँपालिकाका ६ जनामा कोरोना संक्रमण पुष्टि भएको स्वास्थ्य कार्यालय प्यूठानले जनाएको छ । संक्रमित १७ देखि ६८ वर्षसम्मका २ महिला र ४ पुरुष रहेका छन् ।
संक्रमितहरु मध्ये १ जना गाउँपालिकामा कार्यरत स्वास्थ्यकर्मी रहेको गाउँपालिकाले जनाएको छ । यस्तै अन्य संक्रमित पनि कन्ट्याक्ट ट्रेसिङबाट परिक्षण गरिएका रहेका छन् ।
यससँगै प्यूठानमा कोरोना संक्रमितको संख्या ५१२ पुगेको छ जसमध्ये ४५८ जना निको भएर डिस्चार्ज भईसकेका छन् भने २ जना संक्रमितको मृत्यु भईसकेको छ ।
