Advertisement

भारतको मध्य प्रदेशको पूर्वी भूभागमा न्यून चापीय क्षेत्रको विकास हुँदा देशैभर मनसुन मौसम सक्रिय भएको हो। न्यूनचापीय क्षेत्रको प्रभावले उपत्यकासहित पूर्वी र मध्य नेपालका अधिकांश क्षेत्रमा भारी वर्षा हुने अनुमान गरिएको छ।शुक्रबार दिउँसो र राति देशैभर बदली भई हल्कादेखि मध्यम वर्षाको सम्भावना रहेको जल तथा मौसम विज्ञान विभाग पूर्वानुमान महाशाखाले जनाएको छ । तर, प्रदेश एक, प्रदेश दुई, बागमती र गण्डकी प्रदेशका एक÷दुई स्थानमा भारी वर्षा हुने आँकलन गरिएको छ ।

‘अहिले सुदुरपश्चिम र कर्णाली प्रदेशमा मनसुन सुधार छ। शुक्रबार उपत्यकासहित प्रदेश एक, प्रदेश दुई, बागमती र गण्डकीमा मनसुन सक्रिय छ। ती क्षेत्रमा भारी वर्षाको सम्भावना पनि छ,’ मौसमविद बरुण पौडेलले भने, ‘शनिवारदेखि मौसममा सुधार हुने देखिन्छ।