प्यूठान, असोज १३। मदन भण्डारी मेमोरियल कप टि-२० क्रिकेट प्रतियोगिताको उपाधी बाहाने क्रिकेट क्लव ए टिमले जितको छ ।
मदन भण्डारी स्पोटर्स एकेडेमी नौवहिनि गाउँपालिका ४ कमिटिको आयोजना तथा नेपाली क्रिकेट समर्थक समाज एनसिएसएस प्यूठान शाखाको सहकार्यमा झिमरुक गाउँपालिका ८ दिहाल्नाको प्रस्तावित लालिगुरास रंगशालामा जारी मदन भण्डारी मेमोरियल कप क्रिकेट प्रतियोगिताको मंगलवार भएको फाइनल खेलमा आयोजकलाई २ विकेटले हराउदै बाहाने क्रिकेट क्लव ए टिमले उपाधी जितेको हो ।
फाइनल खेलमा टस हारेर व्याटिङको निम्तो पाएको आयोजक टिमले निर्धारित २० ओभरमा ९ विकेट गुमाउदै १०३ रन बनाएको थियो ।जसका लागि उमेश घर्तीले ४८ वलमा सर्वाधिक ४५ रन बनाए । १०४ लक्ष्यसहित जवाफि व्याटिमा उत्रेको बाहाने क्रिकेट क्लव ए टिमले १४ ओभरमा ८ विकेट गुमाएर लक्ष्य पुरा गर्यो । बाहानेका लागि भुगर्व के।सीले १९ वलमा सर्वाधिक ४३ रन बनाए ।
विजेता बाहाने क्रिकेट क्लव ए टिमले नगद रु १५ हजार र प्रमाणपत्र प्राप्त गर्यो भने उपविजेता आयोजक टिमले नगद रु ६ हजारसहित प्रमाणपत्र प्राप्त गर्यो ।
शनिवारदेखि जारी प्रतियोगितामा १२ टिमले सहभागिता जनाएका थिए । कोरोनाको जोखिम भएकाले स्वास्थ्य मापदण्ड पुरा गरेर खेल गराइएको आयोजकले जनाएको छ ।
जिल्लामा क्रिकेटको क्रेज एकदमै बढी छ तर स्थानिय तहले क्रिकेट क्षेत्रमा आवश्यक लगानी र चासो नगर्नाले प्यूठानमा क्रिकेट पछि परेको एनसिएसएस प्यूठानका सदस्य शिवराज भुषाले जानकारी दिए। क्रिकेट फ्यान क्रेज अनुसारको चासो सम्बन्धित निकायले दिन सके प्यूठान क्रीकेटले छिट्टै फड्को मार्ने समेत उनले बताए ।
