काठमाडौं, असोज १८। कोरोनाभाइरस संक्रमण भएपछि शुक्रबारदेखि अस्पतालमा भर्ना भएका अमेरिकी राष्ट्रपति डोनाल्ड ट्रम्पले अस्पतालमै बसेर काम गरिरहेको तस्वीरहरु अमेरिकाको राष्ट्रपति भवन ह्वाइट हाउसले जारी गरेको छ ।
ट्रम्प अहिले मेरिल्याण्डको वाल्टर रीड नेशनल मिलिटरी अस्पतालमा उपचार गराइरहेका छन् । राष्ट्रपतिका चिकित्सक नेभी कमाण्डर डा। सीन कोन्लेले यसअघि शनिबार ट्रम्पको स्वासथ्यमा क्रमिक सुधार भएको बताएका थिए ।
राष्ट्रपति ट्रम्पकी छोरी तथा सल्लाहकार इवांका ट्रम्पले पनि आफ्ना पिताले अस्पतालबाटै काम गरिरहेको तस्वीर ट्वीट गरेकी छिन् । इवांकाले ट्रम्पलाई अमेरिकी नागरिकको लागि काम गर्न कसैले रोक्न नसक्ने बताएकी छिन् ।एजेन्सी
