प्यूठान, कार्तिक ६ । प्यूठानमा सर्पले डस्दा एक यूवकको मृत्यु भएको छ ।
प्यूठान नगरपालिका वडा नं ८ मानागाउँका १८ वर्षिय बलबहादुर केसीको मृत्यु भएको हो । केसीलाई विहिवार दिउसो सल्लेरी सामुदायिक वनमा पानीको धारा बनाउने क्रममा सर्पले डसेको थियो ।
सर्पले डसेर घाईते भएका केसीको प्यूठान अस्पताल विजुवारमा उपचारका क्रममा साझ ६ बजे मृत्यु भएको जिल्ला प्रहरी कार्यालय प्युठानले जनाएको छ । मृतकको शवलाई मुचुल्का पछि पोष्टमार्टम गरिने सुचना अधिकारी प्रहरी निरीक्षक पोषण ढकालले जानकारी दिए ।
