काठमाडौं,कात्तिक १५ । खेत जोत्ने हाते ट्याक्टर दुर्घटना हुँदा भक्तपुरमा एक जना कृषकको ज्यान गएको छ ।
शनिबार सूर्यविनायक नगरपालिका–८ दार्जिलिङ हाइटमा खेत जोत्ने क्रममा ट्याक्टर दुर्घटना हुँदा ५० वर्षीय कृष्णराम सुवालको मृत्यु भएको प्रहरीले बताएको छ ।
ट्याक्टर अनियन्त्रित भइ पल्टिँदा दुर्घटना भएको महानगरीय प्रहरी परिसर भक्तपुरका प्रवक्ता डीएसपी दीपक गिरीले बताए ।
दुर्घटनामा गम्भीर घाइते भएका सुवालको उपचारको क्रममा मध्यपुर अस्पतालमा मृत्यु भएको डीएसपी गिरीले बताए ।
