काठमाडौं,कात्तिक २२ । नुवाकोटको बेलकोटगढी नगरपालिकाका एक इन्जिनियरलाई सेवाग्राहीसँग लिएको घुससहित अख्तियारको टोलीले शनिवार पक्राउ गरेको छ । बेलकोटगढी नगरपालिकाका इन्जिनियर पर्वत पौडेल घुससिहत विदुर नगरपालिकाको बट्टार बजारको मिठाई पसलबाट घुस लिँदै गरको अवस्थामा पक्राउ परेका हुन् ।
विदुर नगरपालिका–४ को व्यस्तबट्टार बजारमा रहेको सागर मिठाइ भण्डारबाट सेवाग्राहीसँग लिएको ७५ हजार घुससहित रंगेहात पक्राउ परेको अख्तियार दुरूपयोग अनुसन्धान आयोगका प्रवक्ता तारानाथ अधिकारीले बताए । सेवाग्राहीसँग लिएको घुससहित स्टिङ अपरेशनअन्तर्गत आफ्नो टोलीले करार सेवामा कार्यरत पौडेललाइ रंगेहात पक्राउ परेको अख्तियार प्रवक्ता अधिकारीले बताए ।
घुस रकमसहित पक्राउ परेका इन्जिनियर र अर्का युवकलाई काठमाडौं लगेर थप अनुसनधान कार्य भइरहेको प्रवक्ता अधिकारीले बताए। उनका अनुसार थप अनुसन्धान गरेर मुद्धा दायर गरिनेछ।
सेवाग्राहीसँग भट्टमार्फत पौडेलले घुस लिएको आरोपमा भट्ट पक्राउ परेको अख्तियार स्रोतले जनाएको छ । यस अघि पनि बेलकोटगढी नगरपालिकाबाट अर्का इन्जिनियरलाई अख्तियारको टोलीले घुसहित पक्राउ गरेको थियो ।
घुससहित पक्राउ परेका इन्जिनियर पौडेल बेलकोटगढी नगरपालिकाले करार सेवामा नियुक्त गरेका अस्थायी कर्मचारी हुन्।
