काठमाडौं,कात्तिक २३। प्रधानमन्त्री केपी शर्मा ओलीले अमेरिकाको ४६ औं राष्ट्रपति र उपराष्ट्रपति निर्वाचित जो बाइडेनलाई बधाई दिएका छन् ।
डोनाल्ड ट्रम्पलाई पराजित गर्दै ४६ औं राष्ट्रपतिमा निर्वाचित बाइडेन र उपराष्ट्रपति पदमा निर्वाचित कमला ह्यारिसलाई बधाई दिएका हुन् ।
सामाजिक सञ्जाल ट्वीटरमार्फत ओलीले प्रभावकारी र ऐतिहासिक जितका लागि बधाई दिँदै अमेरिकाको नयाँ नेतृत्वसँग नजिक रहेर काम गर्ने अवसर प्राप्त हुने विश्वास व्यक्त गरेका छन् ।
ट्वीटमा प्रधानमन्त्री ओलीले नयाँ निर्वाचित अमेरिकी नेतृत्वसँग आफुले निकट भएर काम गर्न चाहेको पनि प्रस्ट पारेका छन् ।
अमेरिकी राष्ट्रपतिमा वर्तमान राष्ट्रपति डोनाल्ड ट्रम्पलाई पराजित गर्दै बाइडेन विजयी भएका छन् । यस्तै ह्यारिस पहिलो महिला उपराष्ट्रपति चुनिएकी छन् ।
