काठमाडौं, मंसिर १३ । खेल्ने क्रममा साढे तीन वर्षीया बालिकालाई बलात्कार गरेको आरोपमा जिल्ला अदालतले १४ वर्षीय एक बालकलाई ६ महिना कैद सजायको फैसला गरेको छ।
जिल्ला न्यायाधीश चन्द्रमणि ज्ञवालीको इजलासले गत कात्तिक २४ गते कसूर ठहर भई सजाय निर्धारणका लागि पेस भएकामा शुक्रबार कैद सजाय तोकिएको जिल्ला अदालतले जनाएको छ।
खेल्ने क्रममा घरदेखि उत्तर रहेको पोखरीको डिलमा २०७६ भदौ ६ गते आरोपितले बलात्कार गरेको पीडितले बताएपछि थाहा पाएकी उनकी आमाले इलाका प्रहरी कार्यालय कडरबोनामा उजुरी दिए।
इलाका प्रहरी कार्यालय कडरबोनाले घटनाको भोलिपल्टै आरोपितलाई पक्राउ गरी उजुरी दर्ता गरेको थियो।
जिल्ला अदालतको इजलासले आरोपित बालकलाई पुर्पक्षका लागि ०७६ भदौ १९ गते बालसुधार गृह वीरगञ्ज पठाउने आदेश गरेको थियो। रासस
