काठमाडौं,पुष १९ । सशस्त्र प्रहरी बलको जवान पदका लागि लिखित परीक्षा दिने १४ जना नक्कली परीक्षार्थीलाई प्रहरीले पक्राउ गरेको छ ।स्थानीय प्रहरीले सुनसरीबाट ८ जना, जुम्लाबाट २ जना र सुर्खेतबाट ४ जना गरी १४ जनालाई पक्राउ गरेको हो ।
नक्कली परीक्षार्थी बनी परीक्षामा सामेल भएको फेला परेको खबर सम्बन्धित परीक्षा केन्द्रबाट प्राप्त भएपछि प्रहरीले उनीहरुलाई पक्राउ गरेको हो ।
यस सम्बन्धमा स्थानीय प्रहरीले थप अनुसन्धान गरिरहेको बताइएको छ ।
