काठमाडौं, माघ १। राष्ट्रपति विद्यादेवी भण्डारी र प्रधानमन्त्री केपी शर्मा ओलीले माघी पर्वको शुभकामना दिएका छन् ।माघे सङ्क्रान्ति एवं माघी पर्वका अवसरमा देश–विदेशमा रहेका सबै नेपालीको सुख, शान्ति, समृद्धि, आरोग्य र प्रगतिका लागि शुभकामना व्यक्त गरेका छन्।
राष्ट्रपति भण्डारीले यस चाडले नेपालका हिमाल, पहाड र तराईमा बसोबास गर्ने सबै जातजाति र समुदायका जनताबीच आपसी मेलमिलाप, सद्भाव र सहिष्णुता अभिवृद्धि गरी सामाजिक–सांस्कृतिक एकतालाई सुदृढ बनाउने विश्वास व्यक्त गरेकी छन् ।
त्यस्तै प्रधानमन्त्री ओलीले माघी पर्वको शुभकामना दिँदै कोभिड–१९ को प्रकोपबारे प्रामाणिक खोज र औषधिका अभावमा वर्तमान विश्व प्रभावित भइरहेका बेला योगको थप महत्व र सान्दर्भिकता बढेको बताएका छन् ।
यस पर्वमा विभिन्न पवित्र नदी, सागर तथा त्रिवेणीमा स्नान गरी मन्दिरमा पूजाअर्चना गरेपछि आ–आफ्नो समुदायको संस्कृति अनुसार तरुल, सेलरोटी, घिउ–सख्खर,तिलकोलड्डु, खिचडी, ढिक्रीजस्ता परिकार खाने प्रचलन रहि आएकोछ ।
थारु समुदायमा माघीलाई विशेष पर्व र नयाँ वर्षकोरूपमा मनाइनुका साथै यसदिनलाई घर सल्लाह गर्ने, लेनदेनको नवीकरण गर्ने र आफ्ना ेसमुदायको अगुवाचुन्नेदिनकोरूपमा समेत लिइन्छ ।
