काठमाडौं, माघ ६ । केही दिनअघि काठमाडौंको टोखामा एक दम्पतीलाई कोठा भित्रै मृत अवस्था फेला परेको घटनाको निष्कर्ष ननिस्कँदै उपत्यकामा पुन: त्यस्तै प्रकृतिको अर्को घटना सार्वजनिक भएको छ ।
ललितपुरको महालक्ष्मी नगरपालिका-७, चाँगाथलीमा डेरा गरी बस्ने राजविराज घर भएका ३२ वर्षीय सागर पोखरेल र उनकी श्रीमती निर्मला पोखरेल सोमबार मृत भेटिएका हुन्।
यसअघि टोखास्थित ग्राण्डी भिलामा उमेश केसी र उनकी श्रीमती सुदीक्षा गिरी मृत अवस्थामा भेटिएका थिए ।
महानगरीय प्रहरी परिसर ललितपुरकी प्रमुख (एसएसपी) किरण बज्राचार्यले दम्पती मृत भेटिएको र अहिले घटनाका सम्बन्धमा अनुसन्धान भइरहेको बताइन्। विष भेटिनुले आत्महत्यातिर नै अनुसन्धान केन्द्रित भएको प्रहरीको भनाइ छ ।
घरबेटीले कोठाको झ्याल खोलेर हेर्दा अस्वभाविक अवस्था देखे ।शंका लागेपछि खबर गरेको प्रहरीलाई घरबेटीले जानकारी दिएका थिए ।
