काठमाडौं, माघ ८ । – प्युठानको धार्मिक तथा पर्यटकीय तीर्थस्थल स्वर्गद्वारी परिसरमा फोहोरासहितको ‘स्वर्ग वाटिका’ निर्माण गरिएको छ । स्वर्गद्वारी नगरपालिका–२ स्थित स्वर्गद्वारीमा नेपाली सेनाको सामाजिक–आर्थिक विकासका पूर्वाधार कार्यक्रमअन्तर्गत सो बगैँचा निर्माण गरिएको हो ।
म्युजिकल वाटर फाउन्टेन, पैदल मार्ग, मूलद्वार, तारजाली, रेलिङलगायत संरचना निर्माण गरिएको इन्द्रध्वज गण खलङ्गा ब्यारेक प्युठानका गणपति प्रमुख सेनानी अर्जुनविक्रम थापाले बताए ।
इन्द्रध्वज गण खलङ्गा ब्यारेक र डिभिजन वन कार्यालय प्युठानको सहकार्यमा वाटिका निर्माण गरिएको हो । इन्द्रध्वज गण प्युठानको अघिल्लो आर्थिक वर्ष २०७६/७७ को नेपाली सेना सामाजिक आर्थिक विकासका पूर्वाधार कार्यक्रमअन्तर्गत विनियोजित २५ लाखमा सामग्री खरिद र सेनामार्फत संरचना निर्माण गरिएको हो ।
प्युठान जिल्लाको धार्मिक तथा पर्यटकीय तीर्थस्थल स्वर्गद्वारी परिसरमा फोहोरासहितको ‘स्वर्ग बाटिका’ निर्माण गरिएको छ ।
