काठमाडौँ, वैशाख १९ । पाल्पामा वर्षासँगै परेको चट्याङ्ले लागेर एक जनाको मृत्यु भएको छ ।
शनिवार राती चट्याङ्ले लागेर तिनाउ गाउँपालिका वडा नं. १, कचलका १६ वर्षका प्रेमबहादुर बगाको मृत्यु भएको जिल्ला प्रहरी कार्यालय पाल्पाले जनाएको छ ।
चट्याङ् लागेर थप दुई जना घाइते भएका छन् । घाइते हुनेमा तिनाउ १, कचलका १५ वर्षीया इन्दिरा उचई र रैनादेवी छहरा गाउँपालिका वडा नं. ४ घर भई हाल तिनाउ १ मै बस्ने रामु गाहा रहेको जिल्ला प्रहरी कार्यालय पाल्पाले जनाएको छ । घाइते दुबै जनाको अवस्था सामान्य रहेको छ ।
