काठमाडौ, माघ ३ भारत र अष्ट्रेलिया बिचको दोस्रो एकदिवसीयमा भारतले अस्ट्रेलियालाई ३४१ रनको लक्ष्य दिएको छ। भारतको घरेलु मैदानमा भएको खेलमा भारतले निर्धारित ५० ओभरमा ६ विकेट गुमाएर ३४० रन बनाएको हो।
टस हारेर पहिले ब्याटिङ गरेको भारतका लागि शिखर धवनले सर्वाधिक ९६ रन बनाए। यस्तै कप्तान विराट कोहलीले ७८ रन बनाउँदा के एल राहुलले ८० रन बनाएर आउट भए। रोहित शर्माले ४२ रन बनाए भने रविन्द्र जडेजाले १० रन बनाए।अस्ट्रेलियाका एडम जाम्पाले ३ तथा केन रिचार्डसनले २ विकेट लिए।भारतमा जारी तीन खेलको एकदिवसीय सिरिजमा अस्ट्रलियाले पहिलो खेलमा १० विकेटका जितसहित १–० ले अग्रता लिएको छ।
