प्युठान । चहलको घातक बलिङमा, कलकत्ता माथि पञ्जाब किंग्सले ऐतिहासिक जित निकाल्न सफल भएको छ ।
मुल्लांपुरस्थित महाराजा यादवेन्द्र सिंह स्टेडियममा मंगलबार भएको खेलमा कोलकत्ता नाइट राइडर्सलाई ९५ रनमै समेट्दै पञ्जाब १६ रनले इतिहास रच्न सफल भयो।
टस जितेर पहिला ब्याटिङ गरेको पञ्जाबले निर्धारित २० ओभरमा सबै विकेट गुमाएर १११ रन बनाएको थियो। पञ्जाबका लागि प्रभसिमरन सिंहले ३० रन र प्रियांश आर्याले २२ रनको योगदान दिए।
कोलकत्तातर्फ हर्षित राणाले ३ विकेट लिए भने वरुण चक्रवर्ती र सुनील नारिनले समान २–२ विकेट लिए। सामान्य लक्ष्य पाएको कलकत्ताले रघुबन्शी र कप्तान राहणे बाहेक अन्य ब्याट्सम्यानको लामो साझेदारी पाएन ।
पञ्जाबको जितमा चहलले ४ , यान्सनले ३ विकेट लिए भने बलकिस एहमदले २ विकेट हात पारे।
पञ्जाबले १११ रन जोगाउँदै आईपीएल इतिहासमै सबैभन्दा कम स्कोर डिफेन्ड गर्ने कीर्तिमानसमेत बनाएको छ।
यसअघि सन् २००९ मा चेन्नई सुपर किंग्सले पञ्जाबविरुद्ध ११६ रन जोगाएको थियो।
