माघ २१, काठमाडौ
अभ्यास खेलमा नेपाल प्रसिडेन्ट ११ले अमेरिकालाई ११२ रनको लक्ष्य दिएको छ ।
मुलपानी मैदानमा टस हारेर पहिले ब्याटिङ गरेको नेपाल प्रसिडेन्टले ३३.५ ओभरमा अल आउट हुदै १११ रन बनायो । नेपालका लागि सुवास खकुरलेलले अविजित अर्धशतकीय पारी खेले । उनले ८९ बलामा ५ चौकाको मद्दतमा ५२ रन बनाए । यस्तै पवन सराफले १९ रन जोडे । बाँकी खेलाडी दोहोरो अंकमा रन जोड्न सकेनन् ।
१५ रनमा पहिलो विकेट गुमाएको नेपालले २४ रनमा दोस्रो र ६९ रनमा तेस्रो विकेट खेर फाल्यो । त्यसपछि पनि लगातार विकेट झर्दा नेपाल १११ रनमै अल अलआउट हुन पुग्यो।
