फागुन ११, काठमाडौँ । कलाकार सिताराम कट्टेल–कुञ्जना घिमिरे (धुर्मुस–सुन्तली) को प्रस्तुतीमा तयार पारिएको चलचित्र सेन्टी भाइरस’ ले दुई दिनमा २ करोड भन्दा बढीकाे कमाई गरेको छ ।शिवरात्रीको अवसर पारेर शुक्रबारबाट प्रदर्शनमा आएको यस चलचित्रले शुक्रबार र शनिबार गरेर २ करोड भन्दा बढीको कमाई गरेको हो ।
चलचित्रको शुक्रबार र शनिबार सम्मको व्यापार २ करोड ४७ लाख रुपैयाँ रहेको छ । प्रदर्शनमा आएको पहिलो दिन नै ‘सेन्टी भाइरस’ले १.१२ करोड कमाई गरेको थियो भने दोस्रो दिन १.३५ करोड व्यापार गर्न सफल भएको थियो ।‘सुविहानी फिल्मस्’को व्यानारमा (धुर्मुस-सुन्तली) ले निर्माण गरेको यस चलचित्रलाई रामबाबु गुरुङले निर्देशन गरेका हुन् ।
