चैत ३, काठमाडौं – अहिले विश्वभर कोरोनाको त्रास बढेको छ । कोरोनाकै कारण मानिसहरु आवश्यक बाहेक घरबाट बाहिर निस्केका छैनन् । कोरोनाको डरले मानिसहरु भीडभाडमा जान छाडेका छन् । यसैका कारण हलहरु पनि खाली हुन थालेका छन ।यसैबीच एक साताअघि हलमा प्रदर्शन भइरहेको बागी ३ ले बक्सअफिसमा १०० करोड पुर्याउनै लागेको छ । कमाई १०० करोड पुर्याउनै लाग्दा हलहरुमा मानिसहरु कम देखिन थालेका छन् ।
जसले गर्दा फिल्मको कमाईमा प्रभाव परेको छ । भारतिय मिडियाका अनुसार हालसम्म यस फिल्मले ९३ करोडका कमाई गरेको छ ।कोरोनाकै बारण फिल्मलाई १०० करोड पुर्याउन मुस्किल परेको छ । यस फिल्मले रिलिजको दिन १७ करोड ५० लाख कमाएको थियो । यस फिल्ममा टाइगर र श्रद्धासँगै रितेश देशमुख, अंकिता लोखण्डे, आशुतोष राणा, सतीश कौशिक, चंकी पाण्डे, नोरा फतेही लगायतका कलाकारको अभिनय रहेको छ ।
