कपिलवस्तु, चैत्र १८
कपिलस्तुको महाराजगंज नगरपालिकाले लकडाउनको मारमा पारेका बाइस सय नगरवासीलाई राहत वितरण दिने भएको छ । कोरोना भाइरसको संक्रमणबाट बच्नाको लागि नेपाल सरकारले लागु गरेको लकडाउनको मारमा परेका नागरिकहरुको लागत संकलन गरी राहत दिने निर्णय गरीएको छ ।
महाराजगंज नगरपालिका भित्र दैनिक ज्यालागरी आफनो परिवार पाल्ने अति गरिब परिवारलाई राहत वितरण गर्न लागेको महाराजगंज नगरपालिकाका नगर प्रमुख अब्दुल कलामले जानकारी दिनुभयो । महाराजगंज नगरपालिकाको विपत व्यवस्थापन समितिको आज बसेको बैठकले प्रत्येक वडाबाट २ सय गरिब मजदुरको लागत संकलन गरि अब दुई दिन भित्र राहत वितरण गरिने उहाले बताउनु भयो ।
राहतका लागि तत्काल रु ५५ लाखको राहत कोष खडा गरि त्यसैबाट राहत वितरण कार्य गरिने नगर प्रमुख अब्दुल कलामले जानकारी दिनु भयो । उहांले नगरपालिकाको विपत व्यवस्थापन समितीको वजेटले मात्र राहत वितरण गर्न नपुग्ने भएकाले संघीय सरकार प्रदेश सरकार स्थानियसामाजिीक संस्था र निजी क्षेत्रलाई पनि यो अभियानमा सरिक हुन आग्रह गर्नुभएको छ ।
स्वाथ्यकर्मीहरुले चेकजाचमा कडाई गरेको र भारत तथा विदेशवाट आएका नागरिकलाई क्वारेन्टाईनमा राख्ने गरेको वताउनुभएको छ । उहांले लकडाउनको पुर्णपालना गर्न समेत नगरवासीमा अपिल गर्नुभएको छ । राहत स्वरुप खाद्यन्न र सरसफाईका सामाग्री वितरण गरीने बताइएको छ ।
महाराजगंज नगरपालिकाको प्राथमिक स्वास्थ्य केन्द्र महाराजंगंज क्वारेन्टटाईनमा ८ जनालाई राखिएको प्रमुख प्रशासकीय अधिकृत वेद प्रसाद खरेलले जानकारी दिनुभयो । क्वारेन्टाइनमा रहेका सबैको खाना बस्न सम्पुर्ण खर्च नगरपालिका मार्फत व्यहोरीएको खरेलले बताउनु भयो ।
यस्तै नगरपालिकाको वडा सबै वडामा क्वारेन्टाईन स्थापना गरीकाको अधिकृत खरेलले वताउनुभएको छ । महाराजगंज नगरपालिकाको हरदैना, कुशहवा, कजरहवा, बरईपुर, शिशवा, जिगिना, बलरमवापुर गैडाहवामा समेत क्वारेन्टाइन स्थापना गरिएको छ ।
न्युज सेन्टर बाट साभार गरिएको छ।
