पौष 17, काठमाडौ
फागुनमा हुने भनिएको एभरेष्ट प्रीमीयर लिग एपिएलको मिति चैतमा सरेको छ । बिहिबार आयोजकले एक प्रेस विज्ञति निकाल्दै प्रतियोगिता तोकिएको मितिबाट केहि पछि सारिएको बताएको छ ।
यस्तै उत्त विज्ञतिमा २०१८ देखि २०२० सम्म नेपालका अन्य लिगमा खेलेका विदेशी खेलाडी खेल्न नपाउने उल्लेख गरिएको छ ।

यसअघि फागुन १७ देखि चैत्र २ गतेसम्म तय गरीएको प्रतियोगिता अब चैत्र १ देखि १५ गतेसम्म हुने भएको हो ।त्यस्तै इपिएलका लागि लिष्ट ए घरेलु खेलाडीको सुची जारी गर्दै फ़्रेन्चाइजीका लागि ट्रेडिङ पनि खोलिएको छ । जनवरी २ देखि ९ सम्म ट्रेडिङको समय तोकिएको छ । ए लिष्टमा परेका नेपाली खेलाडीको न्युनतम मुल्य २ लाख तोकिएको छ । न्युनतम मुल्यभन्दा जति बढी रकम खर्च गरेर पनि खेलाडी किन्न सकिने र सो मुल्यभन्दा बढी खर्च गरेको रकम ६० प्रतिशत खेलाडीको र ४० प्रतिशत टिमको हुने व्यवस्था गरिएको छ ।

ए लिष्टमा समावेश खेलाडीमा पारस खड्का, ज्ञानेन्द्र मल्ल, दिपेन्द्र सिंह ऐरी, बिनोद भण्डारी, करण केसी, शरद भेस्वाकर, आरिफ सेख, सन्दीप लामिछाने, रोहित पौडेल, ललित राजबंशी, कुशल भुर्तेल, सुबाश खकुरेल, पवन सराफ, बसन्त रेग्मी, प्रदीप ऐरी, शुसान भारी, अविनाश बोहोरा र सोमपाल कामी रहेका छन् ।