पौष 21, काठमाडौ

सुनसरीको इनरुवामा जारी मनमोहन मेमोरियल राष्ट्रिय एकदिवसीय प्रतियोगिता अन्तर्गत समुह ‘ए’ को दोश्रो खेलमा विभागीय टोलि शशस्त्र प्रहरी बल एपीएफले स्थानीय टिम मनमोहन मेमोरियल क्रिकेट सेन्टर इनरुवालाई जितको लागि 205 रनको लक्ष्य दिएको छ ।

इनरुवा क्रीकेट मैदानमा टस जितेर पहिले ब्याटिङ गरेको एपिएफले 43.4 ओबरमा सबै विकेट गुमाउदै 204 रन बनायो। एपिएफका लागि सुमित महर्जनले सर्वाधिक 83 रन बनाए । त्यस्तै सन्कर रानाले 36, प्रदिप ऐरीले 19, सन्दिप जोरा वसन्त रेग्मिले समान 12 रन बनाए भने अन्य खेलाडीले दोहोरो अङ्क जोड्न सकेनन् ।

उता बलिङ तर्फ भने मनमोहन मेमोरियल क्रिकेट सेन्टर इनरुवालाका सरोज बस्नेतले सर्वाधिक 4 विकेट लिए, यस्तै भुपाल लुइँटेल, सोनु तामाङ र अल्फाज मनसुरीले समान 2-2 विकेट लिए।