पौष 21, काठमाडौ
अस्ट्रेलियाले न्युजील्याण्डविरुद्धको टेस्ट सिरिज क्लिन स्विप गरेको छ ।
न्युजिल्यान्डविरुद्धको तेस्रो तथा अन्तिम टेस्टको चौथो दिन अस्ट्रेलिया २७९ रनले विजयी हुँदै टेस्ट सिरिज क्विल स्विप गर्न सफल भनेको हो।
अष्ट्रेलियाले दिएको ४१६ रनको लक्ष्य पछाएको न्युजील्याण्ड दोस्रो इनिंगमा १३६ रनमा अल आउट भएको हो ।
न्युजील्याण्डका लागि ग्रान्डहोमले सर्वाधिक ५२ रन बनाए त्यस्तै टेलरले २२ रन बनाएका बनाए । अस्ट्रेलियाका बलर नाथन लियोनले दोस्रो पारीमा पनि ५ विकेट लिए।
यस अघि अस्ट्रेलियाले पहिलो पारीमा मार्नस लाबुशानेको २१५ रनको पारीको मद्धतले ४५४ रन बनाएको थियो भने दोस्रो पारीमा डेविड वार्नरको १११ रनको पारीको मद्धतले २ विकेट गुमाएर २१७ रन बनाउदा पारी घोषणा गरेको थियो ।
त्यस्तै न्युजील्याण्डले पहिलो पारीमा २५६ रन बनाएर अल आउट भएको थियो भने दोस्रो पारीमा केवल १३६ रन मात्र बनायो ।
दोहोरो शतक बनाएका अस्ट्रेलियाका लाबुशाने खेलको प्लेयर अफ द म्याच बने भने सिरिजमा ३ टेस्टका ६ इनिंगमा २ शतक र ३ अर्धशतकसहित ५४९ रन बनाएका लाबुशाने प्लेयर अफ द सिरिज बनेका छन् ।
