माघ २, काठमाडौ नेपाल पुलिस क्लब इनरुवामा जारी एमएम कपमा फाइनलमा प्रवेश गरेको छ ।आज भएको दोस्रो सेमिफाइनल खेलमा पुलिस क्लबले सुदूरपश्चिम प्रदेशलाई ९९ रनले पराजित गर्दै प्रतियोगिताको फाइनलमा पुगेको हो ।पुलिस क्लबले दिएको २३० रनको लक्ष्य पछाएको सुदूरपश्चिम ३३.४ ओभरमा सबै विकेट गुमाउदै १३० रन बनाउन सक्यो ।सुदूरपश्चिमको लागि किरण ठगुन्नाले सर्वाधिक ३९ रन बनाए भने आकास चन्दले २३, खडक बोहोराले १४ र गजेन्द्र बोहोराले १२ रन बनाएका थिए ।पुलिसका लागि सागर ढकालले ५ विकेट लिए ।
त्यस्तै ललित राजबंशीले ३ विकेट लिएका थिए भने ललित भण्डारी र योगेन्द सिंह कार्कीले एक एक विकेट लिए ।यस अघि टस जितेर पहिला ब्याटिंग गरेको पुलिस क्लबले ४९ ओभरमा अल आउट हुदै २२९ रन बनाएको थियो ।पुलिसका लागि दिपेन्द्र सिंह ऐरीले सर्वाधिक ६८ रन बनाए भने ललित भण्डारीले ४० रन बनाएका थिए । त्यस्तै अनिल कुमार शाहले ३१ र योगेन्द्र सिंह कार्कीले २९, कुशल भुर्तेलले १७ रन बनाएका थिए ।सुदूरपश्चिमका बलर शेर मल्ल, बिनोद लामा र आकास चन्दले ३-३ विकेट लिएका थिए ।अब फाइनल खेल शनिबार पुलिस क्लब र नेपाल आर्मी बीच हुने छ ।
