काठमाण्डौ माघ २ भारतीय क्रिकेट टिमका पूर्वकप्तान धोनीले भारतीय क्रिकेट कन्ट्रोल बोर्ड (बिसिसिआई)सँगको ए श्रेणी खेलाडीको सम्झौता गुमाएका छन्। बिसिसिआईले सन् २०२० को खेलाडी सम्झौतामा धोनीको नाम समावेश गरेको छैन। क्रिकेट विश्वकप २०१९ खेलेपछि धोनी भारतीय टिममा समावेश छैनन्। त्यस यता धोनीको भारतीय टिममा भविष्यबारे शंका गरिएको थियो। सन् २०१९ मा धोनीलाई भारतीय क्रिकेट बोर्डले ए श्रेणीको खेलाडीको रुपमा सम्झौता गरेको थियो।
धोनीसँग सम्झौता नगरेको बिसिसिआईले टपअर्डर ब्याट्सम्यान केएल राहुललाई भने बी श्रेणीबाट ए श्रेणीमा ल्याएको छ। धोनीले विश्वकप यता कुनै खेल खेलेका छैनन्। धोनीसँगै अम्बाती रायदु, दिनेश कार्तिक र खलिल अहमेदले पनि सम्झौता गुमाएका छन्। यो सम्झौता अक्टोबर २०१९ देखि सेप्टेम्बर २०२० सम्मका लागि हो। धोनीका सन्यासका विचारमा विभिन्न समाचार आएपनि धोनी कुन समयमा सन्यास दिने भन्ने बारेमा यकिङ्ग् तथ्याङ्क् सायद धोनीसङ्ग् सोध्न पर्ने हुन्छ।
खेलाडीको श्रेणी
ए + (७ करोड भारु) : विराट कोहली, रोहित शर्मा, जसप्रित बुमराह
ए ( ५ करोड भारु) : आर आस्विन, रविन्द्र जडेजा, भुवनेश्वर कुमार, चेतेश्वर पुजारा, अजिन्का राहाणे, शिखर धवन, मोहमद सामी, इशान्त शर्मा, कुलदिप यादव, रिशव पन्त, केएल राहुल
बी ( ३ करोड भारु) : उमेश यादव, युजभेन्द्र चाहल, हार्दिक पाण्ड्या, ऋद्धिमान साह, मयंक अग्रवाल
सी (१ करोड भारु) : केदार जादव, मनिष पाण्डे, हुनुमा बिहारी, नवदिप सैनी, दिपक चाहर, शार्दुल ठाकुर, श्रेयस इयर, वासिङटन सुन्दर विभिन्न अनलाइनको सहयोगमा
