माघ ७, काठमाडौँ सुचना डबलि संवाददाता एसिसि इस्टर्न रिजन टि ट्वान्टि प्रतियोगिताको फागुनमा हुने भएको छ । एसियन क्रिकेट काउन्सिल एसिसिले मंगलबार सार्वजनिक गरेको खेल तालिका अनुसार इस्टर्न रिजन टि ट्वान्टि प्रतियोगिता फागुन १५ गते देखि २३ गतेसम्म थाइल्याण्डमा हुनेछ । उक्त प्रतियोगितामा नेपाल सहित चिन, म्यानमार, सिंगापुर, मलेसिया, थाइल्याण्ड, भुटान, हङकङले सहभागिता जनाउनेछन् । त्यस्तै वेस्टर्न रिजन टि ट्वान्टि प्रतियोगिता फागुन ९ गते देखि १६ गतेसम्म ओमनमा हुनेछ ।
उक्त प्रतियोगितामा इरानसहित साउदि अरेविया, कतार, ओमान, माल्दिभ, कुवेत, बहराइन र युएइले सहभागिता जनाउनेछन् । इस्टर्न रिजन र वेस्टर्न रिजनको शिर्ष चार टिमले अगष्टमा मलेसियामा हुने एसिया टि ट्वान्टि क्वालिफायर खेल्नेछन् । क्वालिफायरको विजेताले सेप्टेम्वरमा पाकिस्तानमा हुने टि ट्वान्टि एसिया कप खेल्नेछ ।
