प्युठान । अभिषेकको शानदार शतकमा हैदरावादले ऐतिहासिक जित निकाल्न सफल भएको छ।
राजीव गान्धी स्टेडियममा शनिबार भएको दोस्रो खेलमा सनराइजर्स हैदराबादले पन्जाब किङ्सले दिएको २४६ रनको लक्ष्य १८ ओवर ३ बल खेल्दै पूरा गर्यो ।
हैदराबादका ओपनर अभिषेक शर्माले आइपिएल करियरकै पहिलो शतक प्रहार गर्दै १४१ रनको शानदार पारी खेले।
उनले ट्र्याविस हेडसँग मिलेर १७१ रनको महत्त्वपूर्ण साझेदारी गरेका थिए। हेडले पनि ६७ रन बनाए।
टस जितेर ब्याटिङ रोजेको पन्जाबका लागि कप्तान श्रेयस अय्यरले ८२ रनको पारी खेले। यो जितसङ्गै सनराइजर्स हैदराबादको हारको सिलसिला रोकिएको छ।
पहिलो खेलमा जित निकालेपनि बाकी चार खेलमा हारको सामना गरेको हैदराबादले जित निकाल्दै आफ्नो नाममा दोस्रो ठूलो रन चेज पूरा गर्ने कीर्तिमान समेत बनाएको छ ।
