माघ २५, काठमाडौ
काठमाडौमा जारी आईसीसी विश्वकप क्रिकेट लिग-२ को नेपाल, अमेरिका र ओमनविचको त्रीकोणात्मक सिरिज अन्तर्गत आफ्नो दोस्रो खेलमा नेपालले आज अमेरिकासँग खेल्दैछ ।
त्रिवि क्रिकेट मैदानमा हुने नेपाल र अमेरिकाविचको खेल बिहान ९:३० बजे सुरु हुनेछ ।
नेपाल र अमेरिका त्रिकोणात्मक सिरिजमा पहिलो जितको खोजीमा मैदान उत्रने छन् ।
पहिलो खेलमा नेपाल ओमानसँग १८ रनले पराजित भएको थियो भने अमेरिकाओमानसङ्ग ६ विकेटले पराजित भएको थियो ।
लिगको अन्तर्गत अमेरिका शीर्ष स्थानमा रहेको छ । समान अंक सहित ओमन दोस्रो स्थानमा रहेको छ भने
एक खेल खेलेको नेपाल अंक विहीन रहदै तालिकाको पुछारबाट दोस्रो स्थानमा रहेको छ ।
अमेरिकाविरुद्ध खेलमा नेपाल पहिलो अंकको खोजीमा मैदान उत्रने छ ।
