फाल्गुन १२- कपिलवस्तु नगर पालिका वडा नम्बर १ का नसीरुद्दिन गौरी(नासिर) एक सय किलोमिटरको साइक्लिङमा नेपाल बाट सहभागिता जनाउने पहिलो मधेसी मुस्लिम बनेका छन्। नेपालगन्ज साइक्लिङ क्लवको आयोजनामा भएको ‘टुर दी ठाकुरद्वारा २०२०’ मा पहिलोपटक कपिलवस्तुबाट ३६ वर्षीय नासीर ले सहभागिता जनाएका हुन्। नेपालबाट साइक्लिङमा सहभागिता जनाउने उनी पहिलो मधेसी मुस्लिम हुन्। यसअघि हुने एक सय मिटर लामो साइक्लिङमा पहिलो पटक कपिलवस्तु जिल्लाको कपिलवस्तु नगरपालिका १ शिव मन्दिर टोल बस्ने नासिरले सय किलोमिटर साइकल यात्रा सहभागिता जनाएका छन ।
विश्व साइकल यात्री पुस्कर शाहको पनि सहभागिता रहेको कार्यक्रममा नेपाल भरिबाट करिब १२० जना सहभागिता थिए। उक्त कार्यक्रममा भारत र अस्ट्रेलियाका साइकल यात्रीको पनि सहभागिता रहेको थियो। टूर दी ठाकुरद्वारा कार्यक्रमको नेतृत्व विश्व साइकल यात्री पुस्कर शाहले गरेका थिए। टुर दि ठाकुरद्वारा पहिलोपटक सहभागी बनेका नासिरले यस्ता कार्यक्रमहरू कपिलवस्तुमा पनि आयोजना गर्न आवश्यक रहेको बताउँछन्। ‘साइकल चलाउँदा व्यायाम हुने नै भयो स्वास्थ्यका लागि पनि फाइदाजनक छ।’ उनको भनाइ छ ।
साइकल चलाउँदा घुँडा लगायतका जोर्नीहरू बलियो हुने उनी बताए। ‘स्वास्थ्य र वातावरणको लागि साइकल’ भन्ने कुरालाई अभियानको रूपमा अगाडि बढाउन स्थानीय सरकारले समेत भूमिका खेल्न जरूरी रहेको नासिरको भनाइ छ। नेपालगन्जबाट सुरु भएको यो यात्रा दुई दिनसम्म चलेको थियो। पहिलो दिन नेपालगन्जबाट ठाकुरद्वारासम्म पुगेको यो टोली दोस्रो दिन ठाकुरद्वारादेखि चिसापानीसम्म पुगेर समापन गरिएको थियो।
