फागुन १६, भारतीय क्रिकेट इतिहासमा सबैभन्दा सफल कप्तान महेन्द्रसिंह धोनीले खेतीपाती वा कृषिकर्म पनि सुरु गरेका छन् ।सन् २००७ मा टी २० र सन् २०११ मा एकदिवसीय विश्वकप भारतलाई जिताएका धोनीले सन् २००४ डिसेम्बर २३ गते बंगलादेशविरुद्ध भएको एक दिवसीय खेलबाट भारतीय क्रिकेटमा डेब्यु गरेका थिए ।
उनले भारतकालागि ३५० एक दिवसीय अन्तराष्ट्रिय खेलमा १० सतक तथा ७३ अर्धसतकको मदतमा १०,७७३ रन प्रहार गरेका छन् । धोनीले ९० टेस्ट खेल्दा ६ सतक तथा ३३ अर्धसतकको मद्दतमा ४,८७६ रन प्रहार गरेका छन् ।सन २०१९ मा एक दिवसीय विश्वकपको सेमीफाइनलमा न्युजिल्यान्डसँग पराजय व्यहोरे यता धोनी क्रिकेटमा खासै सक्रिय छैनन् ।
तर, उनी अब छिट्टै फेरि मैदानमा देखिने छन् । किनकि २९ मार्चमा आइपिएलको नयाँ श्रृङ्खला सुरु हुँदैछ । यही खेलबाट फेरि धोनी मैदानमा देखिने अनुमान गरिएका छन् ।तर, क्रिकेटको मैदानबाट अलिक बाहिर निस्कएका धोनी अहिले खेतीपातीमा रमाइरहेका छन् । उनले आफ्नै घरमा तरबुजा र मेवाको खेती सुरु गरेका छन् ।
