फागुन १७ एसीसी ईस्टर्न रिजन पुरुष टी-ट्वान्टी कप क्रिकेटको पहिलो खेलमा आज नेपालले मलेसियासँग प्रतिस्पर्धा गर्दैछ । थाइल्याण्डको बैंककमा हुने खेल नेपाली समय अनुसार अपरान्ह १२:१५ बजेबाट सुरु हुनेछ । नेपालले पहिलो खेलमा मलेसियालाई हराउदै सुखद सुरुवात गर्ने दाउमा छ । उपाधि जित्ने लक्ष्य लिएको नेपाल मलेसियालाई हराउँदै उत्कृष्ट सुरुवात गर्न चाहन्छ ।
प्रतियोगितामा नेपाल एकदिवसीय मान्यता पाएको एक्लो राष्ट्र हो । प्रतियोगितामा नेपाल र मलेसियासहित थाइल्याण्ड, सिंगापुर र हङकङले सहभागिता जनाएका छन् । राउण्ड रोबिन आधारमा चल्ने प्रतियोगिताको शीर्ष दुई टोलीले एसिया कप छनोटमा स्थान बनाउने छन् ।
