१९ फाल्गुन २०७६,काठमाडौं ।चर्चित बलिउड अभिनेता अक्षय कुमार र अभिनेत्री कट्रिना क्याफको बहु प्रतिक्षित चलचित्र ‘सौर्यवंशी’ को सोमबार ट्रेलर सार्वजनिक भएको छ ।
फिल्मको ट्रेलर रिलीज हुने बित्तिकै यसले सोसल मिडियामा हंगामा मच्चाउन थालेको छ । ट्रेलरमा अक्षय कुमारलाई पुलिसको अवतारमा देखिएको छ भने कट्रिनालाई उनकी श्रीमतीको रुपमा देखिएको छ ।
चलचित्रमा अक्षय कुमारसँगै अजय देवगनको ‘सिंघम’ र रणवीर सिंहको ‘सिम्बा’ चलचित्रको झलक पनि देख्न सकिन्छ । रोहित सेट्टीले निर्देशन गरेको यस चलचित्रमा ज्याकी श्रफ, गुलशन ग्रोभर र सिकन्दर खेरको पनि महत्वपूर्ण भूमिका रहेको छ ।
