फागुन २३ – अष्ट्रेलियन फास्ट बलर मिचेल स्टार्कले दक्षिण अफ्रिका विरुद्धको तेस्रो ओडीआई गुमाउने भएका छन् । आप्नै देशमा भइरहेको आईसीसी महिला टी २० विश्वकप फाइनल खेल हेर्न उनी आफ्नो खेल छाडेर अष्ट्रेलिया फर्कने भएका हुन् ।स्टार्ककी श्रीमती एलिसा हेले टी २० विश्वकपको फाइनल खेल्ने अष्ट्रेलियन टिममा छिन् । घरेलु टोली अष्ट्रेलियाले उपाधिका लागि मेलवर्न क्रिकेट मैदानमा भारतसंग फाइनल खेल्दैछ ।

महिला विश्वकप फाइनलकै दिन अष्ट्रेलियन पुरुष टिमले दक्षिण अप्रिकासंग तेस्रो ओडीआई खेल्दैछ ।मिचेल स्टार्कलाई उक्त खेल हेर्नको लागि टिमबाट रिलिज गरिएको अष्ट्रेलियाका हेड कोचले जस्टिन लान्जरले बताए । उनले स्टार्कको लागि यो जीवनकै महत्वपूर्ण अवसर रहेको बताएका छन् ।