फागुन २४,२०७६ अभिनेत्री प्रियंका चोपडा आफ्नो श्रीमान् निकसँग हिजोआज मुम्बईमा छिन्। शुक्रबार व्यापारी इशा अम्बानीले आयोजना गरेको होली पार्टीमा उनीहरु सहभागी भएका थिए। निकले पहिलोपल्ट होली मनाए। उनले होली मनाउँदै गरेको तस्बिर सामाजिक सञ्जालमा सार्वजनिक गरेका छन्।
उनले तस्बिर सार्वजनिक गर्दै भनेका छन्, ‘मेरो पहिलो होली, मेरो दोस्रो घर भारतमा यति राम्रा मानिसहरुसँग मनाउँदा धेरै आनन्द आयो।’ होली मनाउन गएका यो जोडिले सेतो रंगको कपडा लगाएका थिए। उनीहरु मस्त देखिएका छन्। यसपछि अरु धेरै तस्बिरहरु पनि सार्वजनिक भए, त्यसमा निकले लेखेका छन्, ‘यीनि मलाई धेरै हँसाउछिन्।’
