फाल्गुन २८ पोखरा – पोखरामा जारी आहा रारा गोल्डकप फुटबल प्रतियोगिताको १८औं संस्करण अन्तर्गत बुधबारदेखि सेमिफाइनल खेल हुँदैछ ।सहारा क्लब पोखराको आयोजनामा भइरहेको आहा रारा गोल्डकपको पहिलो सेमिफाइनलमा डिफेन्डिङ च्याम्पियन रुस्लान थ्री स्टार क्लबले विभागीय टिम नेपाल पुलिस क्लबको सामना गर्दैछ । खेल पोखरा रंगशालामा दिउँसो ३ बजेपछि हुनेछ ।
खेलमा विजयी हुने टोलीले शनिबार उपाधिका लागि त्रिभुवन आर्मी क्लब र मनाङ–मर्स्याङ्दी क्लबबीचको विजेतासँग खेल्नेछ । यि दुई टोलीबीचको सेमिफाइनल बिहीबार हुनेछ । प्रतियोगिताको विजेताले १० लाख १ हजार र उपविजेताले ५ लाख १ हजार रुपैयाँ प्राप्त गर्नेछ ।
