काठमाडौं, चैत ४-अमेरिकन आइडलको १८ औं संस्करणमा छनौट भएपछि चर्चामा आएका नेपाली गायक दिवेश पोखरेलले हलिउडमा दिएको पहिलो प्रस्तुतिबाट तीनै जना निर्णायकको मन जितेका छन्।अमेरिकन आइडलले सार्वजनिक गरेको दिवेशको प्रस्तुतिसम्बन्धी भिडिओमा उनको उत्कृष्ट गायकी र त्यसमा निर्णायकहरूको प्रतिक्रिया हेर्न सकिन्छ।
उनले गाएको गीतमा शोका निर्णायकहरू क्याटी पेरी, लुक ब्रायन तथा लियोनेल रिची यति मग्न भएकी उनको गीत सकिँदा उनीहरूले ‘सकियो र?’ जस्तो भावको प्रतिक्रिया जनाए थिए।निर्णायक पेरीले ‘मोर, मोर’ भन्दै दिवेशलाई पुनः गीत गाउन आग्रह गरेकी थिइन्।
