एजेन्सी – यूएईमा जारी टि टेन लिगमा नेपालका दुई स्टार खेलाडी पारस खड्का र सन्दीप लामिछाने सम्मिलित टोली एक अर्काविरुद्ध भिड्दै छन् ।
लेग स्पिनर सन्दीप कर्नाटक टस्कर्स र पुर्व कप्तान पारस टिम आबुधाबीमा सम्मिलित छन् । टिम आबुधाबी र कर्नाटकबीचको खेल राती ९ः४५ पछि शेख जायद स्टेडियममा सुरुहुने छ । दुवै खेलमा ब्याटिङतर्फ अन्त्यमा मौका पाएका पारस दुवैमा नट आउट रहे । कलन्दर्सविरुद्ध ३ र नर्थन वारियर्सविरुद्ध १ रनमा अविजित रहेका थिए । पहिलो खेल कलन्दर्ससँग टाई हुँदा आबुधावीले नर्थनलाई ६ विकेटले हराएको थियो ।
पारस तीनै खेलमा बेन्चमा बस्दा टिम आबु धाबीले २ मा हार र १ रद्ध भएको छ । मराठा अरिवियन्सँग २४, बंगला टाइगर्ससाग २७ र डेस्कन ग्याडियटर्सविरुद्ध वर्षाको कारण रद्ध भएको थियो । अघिल्लो चरणको आसा कायमै राख्न आजको खेल जित्नै पर्ने हुन्छ । जितसँग नेट रन रेटमा पनि निर्भर रहने छ ।
कर्नाटकका लेग स्पिनर सन्दीपको कमजोरी बारे पारसलाई राम्रोसँग थाहा छ । पारसले सन्दीपलाई पछिल्लो तीन वर्षमा सिनियर टोलीबाट नियमित रेखदेख र नेतृत्व गर्दै आएका छन् । त्यसैले आजको खेलमा टिम आबुधाबीले मध्यक्रममा पारसलाई उतार्नसक्ने संभावना रहन्छ ।
यता सन्दीपको लागि प्लेइङ ११ नौलो कुरा छैन । प्लेइङ ११ निश्चित जस्तै हुँदा प्रर्दशन कस्तो रहन्छ भन्ने चाखको विषय हो । विहीबार सन्दीपले कलन्दर्ससँग २ ओभरमा ३० रन खर्चेर २ महत्वपूर्ण विकेट लिएका थिए । सन्दीपले विकेट लिएपनि पछिल्ला खेलमा महँगो सावित हुँदै आएका छन् । आजको खेलमा सन्दीपले आफ्नो रनलाई रोक्न खोज्ने छन् ।
सन्दीपको टोली आजको खेलमा विजयी भए ६ खेलमा ५ अंकमात्र हुँदा शीर्ष चारमा अट्ने छैन । यता सन्दीपको टोली पछिल्ला ४ खेल मध्य ३ मा पराजित भएको छ । कर्नाटक ५ खेलमा १ मा जित ३ मा हार सहित पुछारमा छ । एक खेल वर्षाको कारण रद्ध भएको थियो । विहीबार कर्नाटक कलन्दर्ससँग ३२ रनले पराजित भएको थियो ।
