परासी, २३ चैत ।
जिल्ला स्वास्थ्य कार्यालय नवलपरासीले २५ जना एम्बुलेन्स चालकहरुलाई पिपिई उपलब्ध गराएको छ । सुनवल नगरपालिकाले स्वास्थ्य कार्यालयलाई हस्तान्त्रण गरेको १०५ सेट पिपिई मध्ये आज कार्यालयले जिल्लामा रहेको २५ वटा एम्बुलेन्स चालकहरुलाई क्रोनाबाट सुरक्षित हुनका लागि सो पिपिई उपलब्ध गराइएकोहो । एम्बुलन्ेस चालकले जुनसुकै विरामी बोक्नुपर्ने हुँदा चालकहरु जोखिममा रहेको भन्दै सो प्रसनल प्रोटेक्टिभ ईक्विपमेन्ट (पिपिई) उपलब्ध गराइएको स्वास्थ्य कार्यालय प्रमुख गौरव ढकालले जानकारी दिएका छन् ।
आफुँ पनि बचौ र अरुलाई पनि बचाउने उद्देश्यले जोखिममा रहेको एम्बुलेन्स चालकहरुलाई पिपिई उपलब्ध गराउदै खबर पाउन साथ विरामीहरु अस्पताल ल्याउन लैजान स्वास्थ्य कार्यालयले निर्देशन दिएको छ । अबका दिनबाट आफुँ जोखिममा रहेको भन्दै विरामी ओसार्न आलटाल नगर्ने र सो पिपिई सेट लगाएर मात्र विरामी ओसार्ने र ओसारेपछि एम्बुलेन्सलाई निर्मलीकरण अनिवार्य रुपमा गर्ने प्रमुख जिल्ला अधिकारी बासुदेव दहालले सुझाव दिएका छन् ।
एम्बुलेन्स चालकहरुलाई वितरण पश्चात बचेको पिपिई सेट विभिन्न क्वारेन्टाईन तथा स्वास्थ्य चौकीहरुमा खटिएका स्वास्थ्यकर्मीहरुलाई उपलब्ध गराईने स्वास्थ्य कार्यालयले जनाएको छ ।
त्यसैबिच सुनवलनगरपालिका नगर प्रमुख भिम बहादुर थापाले बर्तमान अवस्थामा अभाव रहेको पिपिई आफनै नगरमा उत्पादन गरिएको र यो क्रोनाबाट निकै सुरक्षित रहेको जानकारी दिएका छन् । क्रोनाको भाईरसको संक्रमण बढि रहेका बेला जिल्लामा कार्यरत चिकित्स, स्वास्थ्य कर्मी र एम्बुलेन्स चालक समेतले पिपिईको अभावमा जोखिम मोललिएर उपचार सेवा प्रंदान गरिरहेको कार्यलाई ध्यामा राखि सो पिपिई आफनै नगरमा आफनो दक्षजनशक्तिबाट तयार गरि हस्तान्त्रण गरिएको नगर प्रमुख थापाले जानकारी दिएका हुन् ।
